|
كتبت أعذب قصيدة حب لاجل ترضين لا هنتي
كتبتك داخلـــي حب ٍ عشقته بكل حرمانه
أحبــك لو يطول البعد وأحبك حتي لو خنتي
وأعرفك ماتخونيني وأعرف اش كثر ولهانه
تعالي وامنحي المشتاق همسة حب لو كنتي
تحــسين بعذاب الشوق واللوعة وكتمانه
أنا الـمشتاق لعتابك وانا المشتاق لك إنتي
وصوتك لا نسكب وإنساب في سمعي بتحنانه
خذيني عاشق ٍ صابه جنون الحب اذا بنتي
نـسى أهله نسى الدنيا نسى العالم
وخلانه
نسـى يومه وميلاده نسى وتذكرك انتي
يـسافرلك جنون وحب يهاجر لأروع اوطانه
زرعلك في خفوقه عشق تناما كل مازنتي
رسمك بداخله صوره وشعره روعة ألوانه
تـهـيم بعينك اشعاره ويبدع لا تفننتي
كتب إسمك علي صدره حلف مايخون وجدانه
كتب أعظم قصيدة حب لاجل ترضين لا هنتي
يحــــبك للجنون وحيل لأنك أعظم إنسانه
|
